Eletrisidade Labele Mate Tan

0
270
Primeiru Ministru, Marí Alkatiri bainhira ko'alia iha kongresu daruak komité 12 Novembru ne'ebé hala'o iha Sentru Konvensaun Dili, ohin. Foto António Goncalves

DILI (TATOLI)—Primeiru Ministru Mari Alkatiri husu ba tékniku eletrisidade iha Timor laran tomak atu halo jestaun ho didi’ak hodi la bele akontese ahi mate iha loron boot, Natal no Tinan Foun 2018.

 “Husu ona ba tékniku sira atu halo jestaun ho di’ak hodi labele akontese tan ahi mate iha loron boot,” Xefe governu informa, ohin, iha Palásiu governu, relasiona ho akontesimentu ahi mate iha territóriu laran tomak, horisehik kalan.

“Akontesimentu eletrisidade mate iha kuarta nee tanba problema tékniku ne’ebé mosu iha sentrál elétrika Hera no Betanu.”

“Nee problema téknika, no ohin ha’u buka hatene kedas tanba horikalan akontese problema nee,” Primeiru Ministru esplika tan.

Tuir Alkatiri ahi mate iha Kuarta (20/12) kalan ne’e fallansu ida mak, tékniku sira la aumenta kapasidade produsaun iha loron boot tanba ne’e mak rezulta ahi mate.

“Natal besik ona konsume ahi komesa sa’e entaun tékniku sira tenke tau tan jeradór ida, maibé sira mantein produsaun bai-bain nian. Ha’u husu ona ba tékniku sira atu halo jestaun ho di’ak hodi labele akontese tan ahi mate iha loron boot.”

(Jornalista: Agapito dos santos)

(Editór : Manuel Pinto)

HUSIK IDA HATÁN