AIFAESA Entrega Relatóriu ba Primeiru-Ministru

0
127
Ekipa AIFAESA hasoru malu ho Primeiru-Ministru. Foto/GPM.

DILI (TATOLI)-Autoridade Inspesaun no Fiskalizasaun ba Atividade Ekonómika no Sanitária (AIFAESA) entrega relatóriu kona-bá ezisténsia autoridade nian no nia atividade durante Fevereiru to’o Dezembru 2017 ba Primeiru-Ministru.

Koordenadór AIFAESA, Abílio Oliveira Sereno, hatete hahú Sétimu Governu toma pose seidauk hasoru Primeiru-Ministru nune’e ho tinan ne’ebé atu termina ona maka tenke hasoru malu ho xefe ezekutivu ne’e.

“Fó relatóriu ida kona-ba AIFAESA mosu no ko’alia mós situasaun ne’ebé ami hala’o durante ne’e no Primeiru-Ministru agradese  no kontinua husu atu halo serbisu di’ak nafatin  no bele konta nafatin ho sira-nia apoiu, buat ruma mak ami presiza fó hatene ba gabinete”, Abílio hatete hafoin enkontru iha Palásiu Governu, ohin.

AIFAESA iha autonomia administrativu, tékniku no finanseira no buat ne’ebé husu ba Primeiru-Ministru mak haree situasaun ne’ebé bainhira iha kontradisaun ou problema ruma ho instituisaun sira seluk.

“Enkuantu laiha no kompeténsia ne’ebé lei fó kontinua vigor nafatin, AIFAESA de’it mak halo inspesaun. Tuir lei hatete mezmu orgánika Sétimu Governu só AIFAESA de’it mak halo inspesaun, ne’ebé kuandu iha problema karik ami husu Primeiru-Ministru para haree, pur enkuantu seidauk ne’ebé ami aprezenta formalmente diresaun tomak no husu para fó atensaun tanba inspesaun ne’e importante ba dezenvolvimentu país ida ne’e.”

(Jornalista : Maria Auxiliadora)

(Editór : Manuel Pinto)

HUSIK IDA HATÁN