2016-2017 Camoes Fó Bolsa Estudu 30 ba Timoroan

0
170
Reprezentante embaixada Portugal

DILI (TATOLI)-Institutu Camoes, IP, Portugal fó tan bolsa estudu ba timoroan nain neen, nain hat ba lisensiatura, nain ida mestradu no nain ida tan doutoramentu hodi estuda iha area oin-oin iha Portugal.

Programa bolsa estudu ne’e kontinuasaun hosi programa institui Camoes, IP, ne’ebé iha tinan kotuk (2016) haruka timoroan na’in 24 hodi estuda iha Portugal.

Adida kooperasaun Portugal iha Timor-Leste, Daniela Perreira, iha Kampus Liceu, Universidade Nasionál Timor Lorosa’e (UNTL), Díli, Kuarta (6/12) bainhira atribui bolsa estudu internu husi Portugal ba estudante na’in 40.

“Fó bolsa estudu ba sidadaun mai husi País Afrikanu ho Língua Ofisiál Portugeza no Timor-Leste ho finansiamentu husi Camoes konsideradu nu´udar instrumentu ne´ebé relevante ho polítika kooperasaun dezenvolvimentu nian ho Portugal,” nia akresenta.

Adida kooperasaun ne’e esplika, defaktu, tanba konta ho nesesidade país parseiru sira nian, reforsu nia sistema sientífiku no teknolójiku, kooperasaun portugeza mai kontribui ba dezenvolvimentu no hakarak kontribui ba dezenvolvimentu nasaun Áfrika ho lian ofisiál Portugés nó mós Timor-Leste.

Formasaun akadémika no kuadru tékniku kualifikadu nu´udar fatór determinante ba dezenvolvimentu sósiu-ekonómiku ida sustentável ho efeitu multiplikadór iha domíniu seluk, purtantu iha nível sosiedade.

Kontribui mós ba sidadania informada no ativa, konfirmada kapasidade intervensaun iha atuál no dezafiu futuru ne´ebé koloka ba iha sosiedade timorense.

“Camões, IP disponibiliza iha kontestu fó bolsa ba nasaun hirak ne´e atu hetan formasaun iha Portugal ne´ebé hanaran bolsa esterna, estudante sira ba estuda iha Portugal, no bolsa estudu ba nasaun sira ne´e, kazu Timor-Leste atu hetan formasaun iha nasaun rasik, hanaran bolsa interna,” nia informa.

Reitór UNTL, Francisco Miguel Martins informa katak iha tinan létivu 2017/2018, dosente na´in 13 husi UNTL hala´o sira-nia estudu mestradu no doutoramentu iha Portugal, ho bolsa estudu finansiadu husi Institutu Camões.

“Nu´udar evidénsia kontinuidade ezistente esforsu kooperasaun hirak ne´e, hodi Timor-Leste no UNTL nia naran agradese empeñu governu Portugal nian iha konsolidasaun kualidade universidade no lansadu tan dezafiu ida ba futuru ida tuir mai projetu kooperasaun ho Camões IP,” nia agradese.

Reitór realsa katak UNTL valoriza partisipasaun no kolaborasaun Portugal, defaktu, investe iha universidade públika únika Timor-Leste, kontribui projetu koletivu ida ba futuru ita-nia país, ne´e fundamentál ba hasa´e kondisaun vida, ita-nia povu no ita konsolida ho sustentável ita-nia kreximentu sósiu-ekonómiku.

“Prova forte ida ba komprímisu forte governu Portugal ho UNTL, projetu ba kapasitasaun língua portugeza iha UNTL,” tenik reitór universidade públika ne’e.

Nia informa, projetu ida ne´e inisia iha juñu 2016 no sei kontinua pelumenus to´o finál 2018, pretende reforsa liuhusi kolaborasaun profesór portugés na´in 14, kompeténsia tékniku no sientífiku, didátiku, pedagójiku no linguístiku komuninakativa iha língua portugeza ba alunu sira, dosente no funsionáriu UNTL nian, nune´e mós instituisaun públika Timor-Leste liuhusi Fakuldade Edukasaun, Arte no Umanidade no dosente lian portugés, UNTL nian.

“Alende projetu rua ne´e, UNTL konta mós ho apoiu Institutu Camões iha implementasaun estratéjia kapasitasaun avansada no dosente komunidade ho lian portugés,” reitór konklui.

(Jornalista: Rafy Belo)

(Editór : Manuel Pinto)

HUSIK IDA HATÁN