UNTL Organiza Kolókiu Siénsia Biolojia Ba Dahuluk

0
32
Intervensaun reitór UNTL, Francisco Miguel Martins iha kolókiu. Foto: Media UNTL

DILI (TATOLI)-Universidade Nasionál Timor Lorosa’e (UNTL), Fakuldade Edukasaun, Arte no Umanidade (FEAU), Departamentu Biolojia organiza kolókiu ensinu biolojia ba dahuluk ho objetivu atu komprende di’ak liu no iha koñesimentu kona-ba siénsia biolojia enterru globál no lokál.

“Esperansa, ba ami-nia departamentu bele hasa’e kualidade liuhusi debate, semináriu hamutuk ho alumni sira tanba ne’e estudante ativu sira presiza esforsu liután,” akresenta xefe departamentu Biolojia, Maria Lurdes Cardoso, iha auditóriu UNTL, relata media UNTL, Ajénsia TATOLI, asesu ohin, kinta (16/11).

Reitór universidade públika ne’e, Francisco Miguel Martins akresenta katak kolókiu ne’e importante tebes atu eleva kualidade sistema edukativa, debate kona-ba ensinu biolojia iha Timor-Leste liuhusi apresiasaun no aprezentasaun husi profesór sira.

Eleva kualidade iha departamentu idak-idak importante tebes ba departamentu hotu organiza eventu ida hanesan ne’e ho atividade kolókiu i semináriu.

“Parabéns ba dekanu, diretora departamentu,” kongratula reitór UNTL perante universitáriu, estrutura no dosente FEAU inklui profesór ensinu sekundáriu sira nomós media sira.

Entretantu tema ba kolókiu dahuluk ne’ebé departamentu ensinu biolojia, UNTL foti iha tinan letivu ne’e mak: “Siénsia, Globalização e Perspetiva Futura”.

Kolókiu ne’e hala’o durante loron rua, hahú tersa (14/11) no termina horisehik loro-kraik.

(Jornalista: Rafy Belo)

(Edítor : Manuel Pinto)

HUSIK IDA HATÁN