TR Agora Halo Inspesaun ba Juis

0
62
Prezidenti da Repúblika Francisco Guterres Lu-olo (liman-los) ka’er liman ho Prezidenti Tribunál Rekursu, Deolindo dos Santos, iha Palasio Prezidensial, Bairo-Pite, Segunda (12/06). FOTO Mídia PR.

DILI (TATOLI)-Prezidente Tribunal Rekursu, Deolindo dos Santos informa katak, oras ne’e daudaun Tribunál Rekursu (TR) halo hela inspesaun ba juis sira husi klase daruak atu hakat ba klase datoluk, hafoin termina primeira klase no segunda klase.

ʺInspesaun ba juis nain lima husi segunda klase atu ba primeira klase hotu ona, no agora hala’o ona inspesaun ba juis terseira klase, ʺ Deolindo dos Santos informa ba Jornalista sira hafoin hala’o enkontru mensal ho Presidente Repúblika, Francisco Guterres Lú Olo iha Palásiu Prezidensiál Bairru-Pité, Segunda, Ohin.

Nia dehan atuál ne’e iha juis hat mak maka tuir hela inspesaun hodi hare sira ninia kapasidade atu hakat tan klase tuir mai iha tempu badak.

Iha tinan 2018 sei iha posibilidade hodi kontinua inspesaun. Entretantu Juis hirak ne’e hotu, durante ne’e servisu iha Tribunal Rekursu no Tribunál Distritál Dili.

“Inspesaun ne’e obrigatóriu tenke halo ba juis sira hodi sukat kapasidade no prestasaun servisu juis sira atu bele sa’e klase tuir regulamentu Tribunal Rekursu.ʺ

Objetivu inspesaun maka tuir Deolindo atu halo promosaun horizontal no vertical, ba iha kapasidade juis nian atu serve ba tribunal.

(Jornlaista: Agapito dos Santos).

(Editór : Manuel Pinto)

HUSIK IDA HATÁN