Toleránsia Pontu ba Funsionáriu Hotu Iha 13 Novembru

0
695
Primeiru-Ministru, Marí Alkatiri.

DILI (TATOLI) Primeiru Ministru, Mari Alkatiri hasai ona despacho n.o 009/2017 iha 10 Novembru governu fó toleránsia pontu ba loron Segunda, 13 Novembru, tanba iha ida antes loron selebrasaun Loron Nasionál Juventude “12 Novembru”

Tuir despacho iha 13 Novembru sei fó toleránsia pontu ba funsionáriu no ajente servisu ministériu nian hanesan institutu no organizmu integradu iha administrasaun indireta Estadu nian.

Entretantu xefe Governu fó parabéns ba mate restu sira no hakru’uk ba memória sira hotu. Ho joven sira nia brani hodi fó an ba mate atu doko mundu tomak no kontribui ba libertasaun rai ida ne’e.

Nia apela ba joven Timoroan hotu atu banati tuir juventude 12 Novembru nian tanba iha momentu ne’ebá sira hatudu ba mundu ho sira nia brani, hakarak no vontade atu kontribui ba libertasaun nasaun nian.

Husu mós ba povu tomak katak 12 Novembru tenke sunu lilin iha uma hotu no um menuto de silêncio ba sira nia memória no determinasaun. Basa ho joven eroi sira ohin loron hanesan mate restu maibé sira nafatin buka sira nia kompañeiru nia isin no ruin ne’ebé naklekar.

VII Governu Konstitusionál fó nia apoiu tomak ba joven hirak ne’e no iha loron ida ne’e hakru’uk ba joven sira tanba sira nia brani mak bele determina nasaun nia independénsia.

(Jornalista : Zezito Silva)

(Editór : Manuel Pinto)

HUSIK IDA HATÁN