TL Presiza Hadi’a Sistema Edukasaun

0
65
Primeiru Ministru, Marí Alkatiri.

DILI (TATOLI) – Primeiru Ministru, Mari Alkatiri informa atu eleva kualidade edukasaun iha Timor-leste, presiza hadi’a sistema edukasaun hosi ensinu baze to’o superior.

 “Sistema edukasaun presiza atu hadi’a hosi baze, superior no to’o post graduasaun atu iha kualidade ensinu ba estudante sira” Mari Alkatiri informa jornalista sira hafoin halo abertura ba semináriu nasionál iha Salaun Ministériu Planu e Finansa, Ai tarak-Laran, Kuarta (23/11).

Ho ida ne’e, Mari Alkatiri konsidera semináriu ne’ebé Ministériu Edukasaun no Kultura hodi lori oradór sira hosi Portugal ho Malaysia atu fahe esperiénsia kona ba kualidade ensinu superior bele tulun ona Timor-Leste atu hadi’a sistema ensinu superior ne’ebé iha kualidade, basa realidade hatudu ohin loron estudante barak mak gradua hosi ensinu superior la hetan servisu.

Tanba ne’e presiza tebes atu hadi’a kualidade ensinu superior hahú hosi agora nune’e bainhira estudante sira akaba nia estudu iha universidade la susar atu buka servisu.

Enkuantu, semináriu kona-bá hasa’e kualidade ensinu superior ne’e sei hotu iha loron aban, 23 Novembru.

(Jornalista : Zezito Silva)

(Editór : Manuel Pinto)

HUSIK IDA HATÁN