Tinan Susesu Ida Tan Ba “Harii Hamutuk”

0
75

DILI (TATOLI)—Serimónia enserramentu Harii Hamutuk, Ezersísiu militár annual ne’ebé hatudu servisu maka’as no kolaborasaun husi enjeñeiru sira husi Forsa Defeza Timor-Leste (F-FDTL) no nasaun parseiru sira hala’o ona iha loron 7 Novembru 2017 iha Baze Militár Metinaru.

Iha tinan dalimak ezersísiu ne’e nian,  halibur hamutuk enjeñeiru sira husi Timor-Leste, Australia, Estadus Unidus no Japaun hodi dezenvolve projetu xave infraestrutura sira.

Harii Hamutuk 2017 involve membru 110 husi F-FDTL, Membru Forsa Australia 1st Combat Engineer Regiment, Forsa Naval Estadus Unidus Seabees Civic Construction Action Detail, Mariñeiru Estadus Unidus 9th Engineer Support Battalion no Forsa Auto-defeza Japaun ne’ebé servisu hamutuk durante semana neen hodi dezenvolve sira nia abilidade iha konstrusaun, dezenvolvimentu infraestrutura no manutensaun ekipamentu.

Enjeñeiru sira ne’e hetan formasaun konaba hada Blok, karpintaria, instalasaun eletrisidade, instalasaun sistema bee moos no transportasaun material. Harii Hamutuk 2017 moos oferese oportunidade ba enjeñeiru sira hodi dezenvolve sira nia kapasidade atu sai lider.

Partisipante sira realiza projetu infraestrutura sira durante ezersísiu ne’e inklui projetu reabilitasaun no manutensaun iha Baze Militár Baukau no Metinaru. Enjeñeiru sira moos hadi’ak sistema bee moos no drenajen iha postu saúde Sidara ne’ebé vital tebes ba komunidade iha area ne’ebá.

Harii Hamutuk no treinamentu sira seluk sai parte esensiál ida husi kooperasaun atuál militár no seguransa entre Timor-Leste, Australia, Estadus Unidus no Japaun. Kolaborasaun ne’e demonstra kometimentu mutual husi nasaun parseiru sira atu apoia dezenvolvimentu kapasidade defeza Timor-Leste nian.

(**)

HUSIK IDA HATÁN