Suai Sai Sasin ba Ukun Rasik-án

0
8
Prezidente Repúblika, Francisco Guterres Lú Olo, bainhira lansa toponímia iha avenida Mártires da Pátria no Avenida António Mendonça “Lesu Katar” Kovalima. Foto mídia PR
KOVALIMA, (TATOLI) – Prezidente Repúblika (PR), Francisco Guterres Lú Olo, hateten Suai sai sasin loron ikus liu Timor-Leste (TL) atu hetan independénsia, tanba ema barak fakar ran no mate iha fatin ne’e

Xefe Estadu iha ámbitu lansamentu plaka toponímia iha avenida Mártires da Pátria no Avenida António Mendonça “Lesu Katar”, hateten povu konkoista sira nia barani no korajen, ho dedikasaun tomak ne’ebé sira fó durante tinan 24 nia laran hodi hetan indenpendénsia.
Hodi dehan buat  hirak ne’e sai hanesan istória no buat moruk ida, maibé real ba povu rasik hodi bele husik ba oan no beioan sira no dehan katak TL bele hetan liberdade tanba, avo sira fó án ba mate no terus hodi hetan independénsia, nune’e mós ba nain ulun sira hodi hateke ba oin atu bele servi povu hodi bele hetan moris dignu.
“Nune’e ita husik hela naran luron ida ne’e ho ema asuwain FALINTIL ida nia naran ne’ebé mate hamutuk ho aman, maun alin no inan feton barak iha rai Suai ida ne’e, loron ne’e fó hanoin mai ita, liu-liu povu Suai katak rai ida ne’e istória ida hodi fó liberdade independénsia”, katak iha ninia diskursu.
Hatutan tan Estadu hamutuk ho povu Suai para bele husik plaka toponímia sira para rai respeita ba sira ne’ebé mate ona.
“Nune’e ita hotu hamutuk fó kbiit ba malu atu hakat ba oin no servi nafatin sira ne’ebé sei moris hodi hetan moris ne’ebe dignu”, dehan tan.
Lansamentu plaka toponímia ne’e hanesan parte komemora tinan 42 proklamasaun independénsia. Hafoin lansamentu, Xefe Estadu akompaña ho esposa, órgaun soberanu, membru governu no ezekutivu sira seluk ba kari aifunan iha Monumentu Masakre Setembru Negro.
Jornalista: Julia Chatarina
Editora: Rita Almeida

HUSIK IDA HATÁN