Samuel Relata Servisu ADN ba PM Alkatiri

0
174
FOTO Espesial

DILI (TATOLI)– Diretór Jerál Ajénsia Dezenvolvimentu Nasionál (ADN), Samuel Marçal ho nia ekipa ohin, (Kinta) hasoru malu ho Primeiru-Ministru (PM), Marí Bin Amude Alkatiri atu hato’o relatóriu servisu ADN.

“Aprezenta ba Primeiru-Ministru saida mak ADN halo no saida mak sidauk halo, orsamentu hira mak ezekuta no hira mak sidauk ezekuta no progresu servisu to’o persentajen hira ona,” Samuel Marcal tenik ba jornalista sira hafoin hasoru malu ho PM iha Palásiu Governu, Kinta (9/11).

Nia dehan agora nia ho ekipa hare hela preparasaun ba orsamentu jerál estadu ninian (OJE), retifikativu no mós orsamentu ba tinan oin nian. Maibé agora daudaun ezekusaun orsamentu ba ADN atinje ona porsentu 77.

Konaba orsamentu ba servisu verifikasaun projetu ADN, tuir Samuel Marçal depende ba governu nia programa no estimasaun. Maibé antes ne’e governu aloka orsamentu US$ 300 resin miloens ba servisu verifikasaun projetu ADN iha rai laran.

Biban ida ne’e, ekipa ADN mós hato’o relatóriu ba PM husi projetu ne’ebé la’o hela no iha prosesu nia laran hamutuk 1000 resin projetu kompostu husi kompañia lokál, internasionál, impréstimu, programa dezenvolvimentu integradu distritál (PDIP) no seluk tan.

(Jornalista: Julia Chatarina)

(Editór : Manuel Pinto)

HUSIK IDA HATÁN