Prezidente Repúblika Sei Hala´o Reuniaun ho Bispu Dioseze Tolu

0
204
Xefe Estadu Lú Olo

DILI (TATOLI)—Prezidente Repúblika, Francisco Guterres Lú-Olo sei hasoru malu ho ho Bispu  Dioseze  tolu; Don Basílio do Nascimento, Don Virgílio do Carmo da Silva no Don Norberto do Amaral iha 10 Novembru 2017 iha Palásiu Prezidente Nicolau Lobato, Bairru Pité, Dili.

Tuir komunikadu imprensa ne´ebé Ajénsia Tatoli asesu hosi Mídia Palásiu Prezidénsia Repúblika, kuarta ne´e katak objetivu enkontru  ho Bispu tolu ne´e atu rona Bispu sira nia opiniaun relasiona ho situasaun polítika ne’ebé nasaun enfrenta, hafoin opozisaun iha Parlamentu Nasionál rejeita Programa VII Governu Konstitusionál.

Komunikadu ne´e hatutan katak Igreja Katólika nu’udar entidade ida ne’ebé iha papél importante iha prosesu luta ba ukun rasik án no kontinua signifikante iha prosesu konstrusaun nasaun Timor-Leste.

Antes ne´e, Prezidente Repúblika mós rona tiha ona opiniaun  sira hosi organizasaun sosiedade sivíl, konfesoens relijioza  no sei kontinua halibur ideia sira hosi entidade oi-oin hodi buka solusaun polítika ne’ebé di’ak-liu ba Timor-Leste. (Jornalista: Xisto Freitas)

HUSIK IDA HATÁN