Presiza Tratamentu Avansadu, Alkatiri : “ L-4 Nia Billete Iha Ona”

0
334
PM Mari Alkatiri

DILI (TATOLI) Ministériu Saúde (MS) fasilita ona billete ba Sekretáriu Estadu Asuntu Veteranus, Andre Belo L-4 hodi halo tratamentu iha Nacional University Hospital, Singapura no billete oras ne’e preparadu ona.

“Ha’u mai vizita Sekretáriu Estadu Asuntu Veteranu, L4 iha Ospitál katak nia tenke ba duni Singapura atu bele halo tratamentu tanba Ministériu Saúde (MS) informa ona mai ha’u katak nia billete prontu ona atu bele evakua,” Primeiru Ministru, Mari Alkatiri informa ba jornalista sira hafoin haree L-4 nia kondisaun Ospitál Nasionál Guido Valadares (ONGV) iha sala Very important person (VIP), ohin.

Iha fatin hanesan, Diretór Klínika ONGV, Flávio Brandão hatutan, Sekretáriu Estadu Asuntu Veteranus “L4” mai ospitál horisehik (21/11) ho kondisaun ne’ebé fraku, maibé ONGV halo ona tratamentu iha oras rua nulu resin hat nia laran, no kondisaun iha mudansa oi tuan maibé la estavel nafatin tanba ne’e tenke evakua bazeia ba médiku nia desizaun ne’ebé foti ona.

“Halo transferénsia ba rai li’ur hetan hodi hetan tratamentu ne’ebé avansadu.” Flávio esplika tuir. Hodi rekoñese katak Ministériu Saúde daudaun ne’e halo hela prosesu viajen nian.

Tuir nia L-4 sei evakua ba Singapura entre ohin ou aban. Hatán kona ba, moras ne’ebé afeta ba L-4, Flávio responde katak tuir kódigu étika médiku pasiente sira nia moras konfidénsia.

“Moras sempre iha nia evolusaun, tuir natureza no daudaun ne’e prontu ona atu bele halo transferénsia.” Flávio haktuir.

(Jornalista : Zezito Silva)

(Editór : Manuel Pinto)

HUSIK IDA HATÁN