PR Husu F-FDTL-PNTL Atua Problema ho Neutru

0
164
Xefe Estadu Maior F-FDTL, Majór Jenerál, Lere Anan Timur bainhira ko'alia iha kongresu daruak komité 12 Novembru iha loron dahuluk (segunda, 7/11) ne'ebé hala'o iha Sentru Konvensaun Dili. Foto António Goncalves

DILI, (TATOLI) – Prezidente Repúblika, Francisco Guterres Lú Olo, husu ba FALINTIL-Forsa Defeza Timor-Leste (F-FDTL) no Polísia Nasionál Timor-Leste (PNTL) atu atua problema ho neutru no professionál.

Xefe Estadu hato’o pedidu ne’e durante enkontru semanál ho Xefe Estadu Maior F-FDTL, Majór Jenerál,  Lere Anan Timur no Vise Xefe Estadu Maior Forsa Armada, Brigadeiru Filomeno Paixão de Jesus, iha Palásiu Prezidensiál Nicolau Lobato Bairo Pite, ohin.

ʺAmi ko’alia liu kona-ba situasaun rai laran, prezidente husu ita nia forsa defeza no polísia nasionál ninia atuasaun ba problema tenke ho profesionalismu no postura iha neutralidadeʺ, dehan Lere ba jornalista sira hafoin hasoru malu.

PNTL no F-FDTL maka asegura seguransa rai laran no liur tuir lei no ordem, tanba ne’e labele involve iha partidu ka grupu arte-marsiais bainhira atua problema iha terenu.

Instituisaun rua ne’e sei mantein lei no ordem. Lere promote sei kordena ho komandu PNTL atu asegura seguransa rai laran.

Tanba ne’e, nia husu povu tenke túr hakmatek, tanba instituisaun PNTL no F-FDTL sei garante nafatin dame no estabilidade iha rai laran.

Jornalista: Agapito dos Santos

Editora: Rita Almeida

HUSIK IDA HATÁN