PN-Governu Sei Komemora Loron Feto iha Remexio

0
15
Foto espesiál

DILI, (TATOLI) – Parlamentu Nasionál (PN) ho Governu sei komemora loron feto nasionál iha loron 9 fulan ne’e iha postu administrativu Remexio, munisípiu Aileu.

“Selebrasaun loron feto nasionál ne’ebé sei selebra iha Remexio tanba inisiativa hosi governu hodi komemora hamutuk ho PN, kinta bainrua tanba, tempu la permite atu selebra hamutuk iha 3 novembru nu’udar loron loloos feto nasionál”, dehan Prezidente ba Grupu Feto Parlamentár (GMPTL-sigla portugés), Brigida Antonio Correia, iha PN foin lalais ne’e.

Nia dehan, governu hola inisiativa hodi konvida PN atu bele hato’o lia menon hodi selebra loron feto nasionál.

Deputada Partidu Libertasaun Populár (PLP), Angelita Sarmento, fó parabens ba loron feto nasionál ne’ebé monu iha 3 novembru atu hateten la’o ba violasaun seksuál, violénsia doméstika no violénsia bazeia ba jéneru.

Nia haktuir, semana kotuk notísia ida fó sai katak inan ida baku nia oan tanba de’it nia oan ba faan has maibé laiha folin, enkuantu, kondisaun ekonómika dalabarak kontribui ba violénsia doméstika iha uma laran.

“Ita entrega relatóriu ‘CHEGA’ ba Estadu Timor-Leste, iha ona kompromisu atu hateten para ona ho violénsia no hateten la’e ba violénsia maibé infelizmente sosiedade ne’e sei kontinua moris ho violénsia”, haktuir tan.

Tanba ne’e hakarak foti dokumentasaun relatóriu CHEGA, oinsá mak transforma faktu ida ne’e sai valór pozitivu hodi halo diálogu atu bele respeita valór direitu umanu.

Enkuantu, violénsia kontra feto no labarik ita bele uza hodi halo kampañia nasionál oinsá kontribui hodi hamenus violénsia feto ho labarik.

Jornalista: Zezito Silva

Editora: Rita Almeida

HUSIK IDA HATÁN