PLP Hatan Símbolu “Loriku” Hanesan Komité 12 Novembru

0
171
Xefe Bankada Partidu Libertasaun Popular (PLP), Fidelis Magalhães.

DILI, (TATOLI) – Xefe Bankada Partidu Libertasaun Populár (PLP), Fidélis Magalhães hateten PLP nia símbolu “loriku” hanesan mós símbolu komité 12 Novembru maibé partidu nian hetan ona legalidade hosi Tribunál Rekursu.

“Ami iha legalidade no hetan lejitimidade hosi tribunál, maibé sobrevivente sira dehan partidu eh grupu balun labele uza símbolu hanesan, ami sei lakohi ko’alia asuntu ne’e”, dehan Magalhães ba ajénsia Tatoli iha Parlamentu Nasionál, ohin.

Hanesan Timoroan, nia dehan ema hotu iha direitu atu uza símbolu ba objetivu ne’ebé di’ak maibé ba asuntu logo ne’ebé mak hanesan, “ami konsidera la kopy paste”.

“Ami lakohi komenta asuntu ne’e maibé buat ne’ebé mak ami halo atu tane a’as sira no valoriza sira no nunka iha intensaun atu la dignifika sira”, afirma.

Magalhães hatutan partidu PLP rejistu iha tribunál no hetan ona legalidade. “Ami nunka desrespeita belun mate restu sira no ami nunka la fó valór ba maluk sira ne’ebé lakon sira nia vida iha 12 Novembru”.

“Hanesan partidu polítiku ami bele buka inspirasaun hosi materiál istórika Timor-Leste nian maibé ami la kopy paste”, reafirma.

Deputadu ne’e hatete tan PLP respeita no tane ás liu memória martir sira nian no valoriza sobrevivente sira, to’o agora Komité 12 Novembru ladauk halo karta ruma ba partidu atu hatan.

Kestaun ba logo loriku ne’e hanesan rezolusaun hosi kongresu daruak komité 12 Novembru ne’ebé lé iha komemorasaun tinan 26 masakre Santa Kruz hodi hateten katak ema ida, grupu no partidu polítiku labele uza logo Komité nian hodi uza ba fali interese partidu. 

Jornalista: Zezito Silva

Editora: Rita Almeida

HUSIK IDA HATÁN