MP Sei Estuda Hikas Kazu Juga Gama

0
124
Prokuradór Jerál Repúblika (PJR), José Ximenes. Foto Tatoli/Egas Cristovão

DILI, (TATOLI) – Prokuradór Jerál Repúblika, José Ximenes, hateten Ministériu Públiku (MP) sei estuda hikas kazu fujitivu Juga Gama ne’ebé halai sai hosi komarka Bekora iha tinan 2013.

Autór prinsípal ba droga, Juga Gama, halai sai hosi komarka Bekora iha loron 3 fulan-novembru 2013 no loron 3 novembru 2017, POLRI (Polísia Repúblika Indonézia) entrega hikas  ba  Polísia Nasionál Timor Lorosa’e (PNTL) hodi kumpri hikas pena tuir desizaun tribunál.

ʺIta sei haree fali kestaun ida ne’e, maibé importante maka Alcino (fujitivu seluk) ita ka’er ona no ikus mai autór prinsípal ba droga, Jugaʺ, dehan PJR ba jornalista sira hafoin relata servisu MP durante fulan-outobru ba Prezidente Repúblika, Francisco Guterres Lú Olo iha Palásiu Presidensiál Nicolau Lobato, Bairo-Pite, ohin.

Mesmu nune’e,  fugitivu ne’e sei kumpri fali pena tuir desizaun tribunál antes hein prosesu foun. “Durante nia halai, ninia pena suspende, depois apartir ka’er, ita konta fila faliʺ, hatutan.

Enkuantu, antes ne’e, Tribunál Distritál Dili hamonu pena kadeia tinan ualu ba Juga Gama.

Hasoru malu ne’e, nia mós relata enkontru prokuradór CPLP (komunidade hosi nasaun sira ne’ebé ko’alia lian portugés) durante loron 25, 26 no 27 fulan-outobru, no segundu informa servisu hotu ministériu públiku nian.

Jornalista: Agapito dos Santos

Editora: Rita Almeida

HUSIK IDA HATÁN