Ministru José Reis Observa Tanki Bee-Moos iha Kapitál Dili

0
203
Ministru Adjuntu Primeiru-Ministru ba Asuntu Governasaun, José Reis, ohin halo observasaun direta ba tanki fornesementu bee moos iha Kakaulidun, Manleuana no Sumur Bor Albano Bekusi Dili. Foto GMAPM

DILI, (TATOLI) – Ministru Adjuntu Primeiru-Ministru  ba Asuntu Governasaun, José Reis, ohin halo observasaun direta ba tanki fornesementu bee moos iha Kakaulidun, Manleuana no Sumur Bor Albano Bekusi Dili.

Objetivu haree besik ne’e hodi nota servisu agua no saniamentu kona-ba prosesu tratamentu bee moos ba komunidade iha Kapital.

ʺBee moos sai problema ida boot, maske kada loron ita produs bee-moos rihun 50 resin litru kubiku, maibé komunidade balun sei falta bee-moosʺ, dehan governante ne’e ba jornalista sira durante hala’o ninia observasaun iha Kakaulidun.

Tanki bee moos Kakaulidun, tuir nia, sufisiente  hodi fornese ba populasaun rihun haat nulu resin iha área Motael, Lecidere, Surikmas no Kakalidun rasik.

Atu fornese água potável ba populasaun hotu, Governu sei kontrola kanalizasaun ilegál no monta tarifa.

ʺSistema la’o di’ak ona maibé tenke hadia di’ak liutan hanesan fura kanu, ne’e mak ba oin governu tenke fó solusaunʺ, tenik.

Jornalista: Agapito dos Santos

Editora: Rita Almeida

HUSIK IDA HATÁN