Lu Olo: Militár Nia Dever Mak Respeitu Diretu Umanu

0
182
Prezidente da Repúblika, Francisco Guterres Lú Olo.

DILI, (TATOLI) – Prezidente Repúblika, Francisco Guterres Lu Olo, husu ba instituisaun FALINTIL-FDTL atu respeita direitus umanus nu’udar obrigasaun ou devér bainhira hala’o knaar loroloron nian.

Xefe Estadu hato’o kestaun ne’e durante abertura seminár Nasionál ba F-FDTL ho tema kna’ar F-FDTL no Direitu Umanus ne’ebé organiza husi Prevedoria Diretu Umanu no Justisa (PDHJ-sigla portugés) no suporta husi Organizasaun Nasoen Unidas ba Diretu Umanu iha Timor Leste ne’ebé realiza iha Kuartél Jerál F-FDTL Fatuhada Dili, ohin.

ʺDever ne’e atu defende no garante ita nia país ninia soberania”, Xefe Estadu bolu atensaun hodi husu ba F-FDTL ajuda Estadu hodi implementa valór sira ne’ebé mak haktuir ona iha artigu 6 konstituisaun RDTL.

Husu mós atu garante dezenvolvimentu ekonómiku no prosesu siénsia no téknika. Nune’e mós proteje meiu ambiente no tau matan ba rikusoin, promove no haburas relasaun amizade no kooperasaun ho povu no Estadu.

Nia mós rekoñese instituisaun ohin loron hahú dezenvolve, maibé presiza hakle’an liutan kapasidade operasionál hodi ajuda hala’o kna’ar ba dezenvolvimentu Nasaun nian.

Lú Olo fó hanoin katak susesu misaun forsa nian mak defende ba disiplina, tanba ne’e forsa sira tenke hakle’an preparasaun professionál no téknika. Alende respeita ba diretu umanu nu’udar kestaun disiplina no profisionalizmu militár sira nian.

(Jornalista: Agapito dos Santos)

(Editór : Manuel Pinto)

HUSIK IDA HATÁN