Labarik Asumi Kargu Prezidente Repúblika

0
224
Komisária Komisaun Direitu Labarik, Maria Barreto no reprezentante UNICEF ho nia estrutura hasai foto hamutuk ho Prezidente Repúblika, Francisco Guterres Lú Olo. Imajen Mídia Palásiu PR.

DILI (TATOLI)—Komisaun Direitu Labarik sei foti labarik ida hodi asumi kargu Prezidente Repúblika durante oras ida nia laran nu’udar jestu hodi komemora Loron Mundiál Direitu Labarik ne’ebé monu iha 20 Novembru tinan ne’e.

Tanba ne’e, Komisária Komisaun Direitu Labarik, Maria Barreto hamutuk ho reprezentante United Nations International Children Fund (UNICEF), kinta ne’e iha Palásiu Prezidente Nicolau Lobato, Bairru Pité, Dili, hala’o suru-mutu ho Prezidente Repúblika, Francisco Guterres Lú Olo hodi konsulta asuntu ne’e ba Xefe Estadu.

“Rezultadu hosi enkontru ida ne’e, Xefe Estadu apresia atividade refere. Prosesu ba ida ne’e sei la’o hanesan atividade regular Xefe Estadu nian iha Palásiu Prezidente no labarik ne’ebé maka sei asumi kargu hanesan Prezidente sei hala’o tuir ajenda Prezidente ninian,” Maria Barreto haklaken.

Tema komemorasaun Loron Mundiál Labarik ba tinan ida ne’e maka “Labarik Asumi Kargu ba Prezidente ka Labarik Asumi Kargu mós ba iha Profesór/a”. Loron 20 Novembru konsideradu hanesan loron Konvensaun Direitus Labarik ne’ebé maka ONU Ratifika iha tinan 1989.

(Jornalista: Xisto Freitas)

(Editór : Manuel Pinto)

HUSIK IDA HATÁN