Komunidade Suai Kontribui ba Seguransa

0
39
Ministru Administrasaun Estatál, Valentim Ximenes.

KOVALIMA, (TATOLI) – Ministru Administrasaun Estatál, Valentim Ximenes, hateten durante prosesu preparasaun ba komemorasaun tinan 42 Proklamasaun Independénsia RDTL, maske iha autoridade seguransa ne’ebé halo operasaun durante oras 24 nia laran, komunidade Suai mós kontribui.

“Autoridade seguransa halo operasaun iha ne’e durante oras 24, nune’e mós komunidade kontribui maka’as ba seguransa no haksolok”, tenik ba jornalista sira iha Kampu Ladi Suai, domingu (26/11).

Ho kontribuisaun ne’e, komemorasaun tinan 2017 la’o di’ak tanba komunidade Suai hakarak dame no diverte. “Hanesan prezidente komisaun organizadór ha’u haksolok. Dalaruma ema iha Dili mak proukupa ho seguransa”, katak.

Nune’é mós nia dehan kona-ba líder istóriku, nia espera bele partisipa hamutuk iha loron boot ne’e.

“Ha’u hakarak haree sira hotu hamutuk iha ne’e hodi hatudu ba joven sira iha Suai no teritóriu tomak, sekarik la partisipa ida ne’e sira nia opsaun”, tenik tan.

Jornalista: Julia Chatarina

Editora: Rita Almeida

HUSIK IDA HATÁN