IEADTL Kontinua Reza ba Líder Sira

0
72
Reprejentante sira hosi Igreja Evangelica Asembleia de Deus Timor-Leste (IEADTL) hasoru Primeiru-Ministru iha Palásiu Governu, ohin. Foto GPM

DILI, (TATOLI) – Atu solusiona situasaun polítika ne’ebé la’o iha rai laran, Igreja Evangelica Asembleia de Deus Timor-Leste (IEADTL) harohan nafatin ba líder sira hodi túr hamutuk atu solusiona situasaun atuál.

“Ami harohan nafatin atu lideransa sira tenke túr hamutuk atu bele hetan solusaun di’ak ba situasaun polítika atuál”, dehan IEADTL, Francisco dos Reis, ba jornalista sira hafoin hasoru malu ho Primeiru-Ministru, Marí Alkatiri, iha Palásiu Governu, ohin.

Hasoru malu ho Xefe Ezekutivu atu agradese ba situasaun hakmatek. “Agradese ba lideransa sira no povu tomak tanba situasaun polítika ne’e ema hotu unidu, la hanesan pasadu ona atu ema dezafia malu hodi halo situasaun konfrontativu”, haktuir.

Francisco dos Reis haktuir hanesan uluk karik iha ona krize, maibé agora povu kalma no iha ona maturidade polítika hodi kria unidade hanesan fiar nain.

IAEDTL suporta nafatin ukun nain sira hodi halo diálogu atu bele hetan solusaun ba situasaun polítika rai laran.

Alende IAEDTL aprezenta tan kódigu sivil ne’ebé la rekoñese hosi relijiaun seluk hanesan sertidaun kazamentu. “Uluk ami hato’o ona ba governu anteriór no halo karta ba Ministériu Justisa no sira dehan halo ona revizaun maibé ladauk publika”, haktuir.

Enkuantu, lei kódigu sivíl artigu 1475 kona-ba kazamentu sivíl, katóliku tradisionál no monogamia rekuñese kazamentu husi relijiaun seluk hanesan protestante, musulkamnu, hindu no budha.

Artigu balun husi kódigu sivíl ne’e rekoñese konvensaun husi relijiaun seluk atu rejistu iha servisu notariadu.

Jornalista: Zezito Silva

Editora: Rita Almeida

HUSIK IDA HATÁN