Governu Propoin Milliaun $1.6 ba Parlamentu

0
351
Sekretáriu Estadu Konsellu Ministru no Komunikasaun Sosiál, Matias Boavida. Foto António Goncalves

é

DILI, (TATOLI) – Governu dahitu konstitusionál liuhosi reuniaun Konsellu Ministru (KM), ohin aprova ona orsamentu retifikativu ho montante milliaun USD$1,6 hodi diskute iha Parlamentu Nasionál (PN).

“Ohin Konsellu Ministru nia tempu naruk tebes hodi diskute konaba prioridade ida ne’ebé ensima prioridade seluk, prioridade ne’e mak preparasaun orsamentu retifikativu. Ohin aprova ona no aban governu sei submete ba Parlamentu Nasionál”, tenik Sekretáriu Estadu Konsellu Ministru no Komunikasaun Sosiál, Matías Boavida, ba jornalista sira iha Palásiu Governu, ohin.

Governante ne’e informa, prátikamente orsamentu ne’ebé Governu halo atu bele hatan ba situasaun emerjénsia.

“Ita iha situasaun emerjénsia, servisu sira ensima da hora no seluk tan, agora governu aprova orsamentu USD$1,6 milloens. Governu hanoin entre prioridade ne’ebé ita iha, oras ne’e dadaun orsamentu retifikativu sai prioridade boot atu hatan ba situasaun emerjénsia sira”, katak tan.

Tuir nia, servidór ne’ebé di’ak, tenta hili prioridade husi prioridade ne’ebé iha no oras ne’e dadaun populasaun tomak iha situasaun ne’ebé emerjente no presiza hahú uluk saida mak sai prioridade ba populasaun.

Akresenta tan, orsamentu retifikativu atu hadi’a no hahú atu hatan uluk povu ninia ezijensia.

Jornalista: Julia Chatarina

Editora: Rita Almeida

HUSIK IDA HATÁN