Governu Presiza Investimentu Estranjeiru

0
158
Primeiru Ministru, Marí Alkatiri.

DILI, (TATOLI) – Primeiru Ministru, Marí Bin Amude Alkatiri hateten atu diversifika ekonomia no kore-án hosi fundu minarai, governu presiza investimentu iha setór oi-oin hosi emprezáriu rai liur.

“Konferénsia ne’e dada ema mai investe ita nia rain, atu diversifika ita nia ekonomiaʺ, dehan Xefe Governu bainhira loke konferénsia internasionál kona-ba investimentu ba daruak nian ne’ebé organiza hosi TradeInvest iha Timor Plaza, ohin.

Xefe Ezekutivu ne’e hatete setór turizmu, agrikultura, rekursu minarai no seluk importante atu investe maka’as liutan hodi  hakma’an fundu minarai ba orsamentu jerál Estadu kada tinan.

Maibé tuir Alkatiri, situasaun polítika no lei importante hodi garante investidór sira atu investe.

Setór turismu presiza rekursu úmanu atu hala’o servisu iha ótel no fatin turizmu sira.

Timor-Leste iha rekursu naturais hanesan osan mean, minarai no gas, marmer no seluk tan ne’ebé presiza atu investidór sira mai investe.

Jornalista: Agapito dos Santos

Editora: Rita Almeida

HUSIK IDA HATÁN