Garuda Sei Pendente Voo Kupang-Dili

0
103
Garuda Indonesia. Foto Espesial

DILI (TATOLI) – Garuda Indonézia sei halo pendente voo husi Kupang-Dili ne’ebé tuir oráriu sei realiza iha 15 Novembru, tanba sei iha problema administrasaun entre governu Timor-Leste no Indonézia.

“Ha’u foin simu informasaun katak sei pendente voo Kupang-Dili, maibé rute ne’e sei loke nafatin tanba agora daudauk sei iha prosesu administrasaun ne’ebé tenke rezolve”, Diretór Jerál PT. Angakasa Pura Kupang, Kokoh Ritonga haktuir iha konferénsia imprensa foin lais ne’e iha eskritóriu Turizmu Nusa Tenggara Timur (NTT) ne’ebé Ajénsia Tatoli sita.

Nia dehan, agora daudaun ekipa tékniku Garuda iha ona Timor-Leste atu prepara ba voo Kupang-Dili namoos instrutór Garuda balun iha ona Dili atu prepara lansamentu voo ne’e.

“Ami nia instrutór balun iha ona Dili atu  realiza treinamentu atu prepara lansamentu voo Kupang-Dili”, dehan tan.

Hodi informa, ekipamentu aviaun Garuda Indonézia iha hotu ona iha Dili bainhira iha ona akordu ba voo ne’e.

Ho problema administrasaun ne’e, tuir nia voo ba Dili iha posibilidade sei realiza iha inísiu Janeiru ou fim Fevereiru 2018 no buat hotu preparadu ona iha kestaun tékniku.

(Jornalista: Julia Chatarina)

(Editór : Manuel Pinto)

HUSIK IDA HATÁN