FONGTIL Realiza Asembleia Jerál

0
60
Xefe Kaza Sívil Interina Prezidente Repúblika, Ana Pessoa, bainhira lé mensajen Prezidente Repúblika, Francisco Guterres Lú Olo iha asembleia jerál FONGTIL ne'ebé hala'o iha salaun Kanossa Bekora, ohin. Foto mídia PR

DILI, (TATOLI) – Forum Organizasaun Naun Govermentál Timor-Leste (FONGTIL), ohin, realiza asembleia gerál hodi hadia estatutu organizasaun, hili konsellu foun ba periodu  2018 to’o 2021 nomós aprejenta relatóriu servisu durante 2015 to’o 2017.

Prezidente Konsellu Interinu FONGTIL, Joaquim Soares, hateten sei ratifika organizasaun sosiadade sívil 39 tantu nasionál no internasionál atu sai membru permanente.

“Asembleia jerál ne’e hala’o tinan tolu hodi haree fali programa saida maka FONGTIL halo ona no saida maka hala’o iha tinan tolu maiʺ, dehan.

FONGTIL hanesan organizasaun sumbriña ba organizasaun sosiadade sívil definitivu hamutuk 349 no organizasaun 39 mak oras ne’e hatama ona sira ninia aplikasaun, tantu nasionál no internasionál.

Xefe Kaza Sívil Interina Prezidente Repúblika, Ana Pessoa, ne’ebé reprejenta Xefe Estadu lé mensajen durante asembleia jerál ne’e  hateten respeita servisu no funsaun sosiadade sívil iha Timor-Leste tanba fó ona apoiu másimu ba prosesu ukun-án no partisipa ativu iha prosesu dezenvolvimentu.

ʺKapasidade husi ita boot sira nia organizsaun kontinua sae ba bebeikʺ, dehan Prezidente Repúblika iha ninia mensajen ne’ebé lé hosi Ana Pessoa.

Asembleia jerál ne’e partisipa husi organizasaun sosiadade sívil 300 resin ne’ebé hala’o durante loron rua hahú 21 to’o 22 iha salaun madre Kanosiana Bekora Dili.

Jornalista: Agapito dos Santos

Editora: Rita Almeida

HUSIK IDA HATÁN