FDTL Batallaun 1 Guarda Selebrasaun 28 Novembru

0
92
Ofisiais membru FDTL sira halo apresentasaun armas wainhira partisipa iha aniversariu Forsa Defesa Nasional Timor Leste (FDTL) ba dala 16 iha Kuartel Jeral FDTL, Fatuhada, 2 Febreiru 2017.ANTIL FOTO/ANTONIO GONCALVES

DILI (TATOLI)—Xefe Estadu Maiór das Falintíl-FDTL, Majór Jenerál Lere Anan Timur, informa forsa Falintíl-FDTL hamutuk batallaun ida (ema nain 400) sei halo guarda onra no parade militár iha selebrasaun aniversáriu 28 Novembru ba dala-42 iha Suai.

Ha’u informa ba Prezidente Repúblika katak apartir horisehik (Tersa, 21/11), Forsa sira komesa movimenta ona ba Suai , Batallaun ida provolta ema atus tolu to’o haat ne’ebé sei halo guarda de onra no parade militár,” Lere Anan Timur informa ba Jornalista sira iha Palásiu Prezidensiál Bairru-Pité, hafoin hasoru malu ho Prezidente da Repúblika, Francisco Guterres Lu Olo, Kuarta (22/11).

Dezlokasaun forsa batallaun ida ne’e tula ho karreta (Truck) hamutuk 20 resin maibé tan la too aluga tan karreta 20 resin hamutuk 40 resin mak evakua militár sira ne’e hodi ba partisipa aniversáriu proklamasaun loron Indesénsia Unilateral Repúblika Demokrátiku Timor-Leste ne’ebé Proklama iha Palásiu governu hosi partidu Fretilín no testu Proklamasaun lee hosi Saudozu aman programadór, Francisco Xavier do Amaral “Avó Xavi” iha loron 28 Novembru, 1975.

ʺNu’udar Militár ne’e Kumpre, tanba ne’e ha’u fó orden sira kumpre de’it, tanba dixiplina militár,ʺ Lere argumenta relasiona ho difikuldade ba transporte ne’ebé mak atu evakua militár sira ne’e ba Kovalima hodi partisipa aniversáriu proklamasaun RDTL ba dala-24 (1975-2017).

(Jornalista:Agapito dos Santos)

(Editór : Manuel Pinto)

HUSIK IDA HATÁN