Estrada Suai Komesa iha Toponímia

0
127
Prezidente Repúblika, Francisco Guterres Lú Olo, inagura naran ba dalan sira iha munisípiu Kovalima. Foto mídia PR

KOVALIMA, (TATOLI) – Maske prosesu kontrusaun estrada iha Suai la’o dadauk, maibé komesa iha ona toponímia ba kada estrada.

Diretór Nasionál Toponímia Ministériu Administrasaun Estatal (MAE), Ermínio Moniz Ribeiro, ba jornalista sira esplika, toponímia ko’alia kona-ba prinsípiu naran estrada sira no numerasaun uma, agora dadauk iha Kovalima, Suai komesa monta ona palaka iha estrada sira.

Nia mós dehan klasifikasaun toponímia ne’e bazeia ba dekretu lei númeru 29/2016, artigu 4 ne’ebé hatete kuandu tau naran ba dalan sira, tenke bazeia ba istória, erói sira nia naran, iha ligasaun ho topografia nomós klasifikasaun seluk.

“Konsentrasaun ba área urbana no sei alarga tan ba área rurais ne’ebé mak aban bain rua prepara hanesan área urbana”, tenik.

Nune’e nia dehan tan toponímia monta ona iha munisípiu Dili hanesan ne’ebé hanesan kapitál Nasaun ninian, Bobonaro, Likisa no agora mak monta iha Kovalima no sei kontinua monta iha Manufahi, Aileu, Baukau, no Ermera hafoin musípiu seluk maybe la inklui Oe-Cusse.

Jornalista: Julia Chatarina

Editora: Rita Almeida

HUSIK IDA HATÁN