Ekipa Profesór Koléjiu Paulo Sestu Informa Prosesu Aprendizajem ba PR

0
31
Ekipa Profesór sira husi eskola sekunáriu Paulo Sestu Dili hasoru Prezidente Repúblika, Francisco Guterres Lú Olo iha Palásiu Prezidente Nicolau Lobato, ohin. Foto mídia PR

DILI, (TATOLI) – Ekipa profesór sira husi eskola koléjiu Paulo Sestu, ohin, hasoru Prezidente Repúblika, Francisco Guterres Lú Olo, hodi informa prosesu aprendizajem ne’ebé la’o iha eskola refere. 
Portavoz, padre Luis Bonaparte do Rego, informa planu implementasaun kurikulum foun hodi hanorin estudante sira durante loron tomak ba alunu sira hodi hadia kualidade edukasaun iha eskola refere.

“Parte kuríkulu nia ami sei implementa full day school ba ita nia estudante sira durante loron tomak hodi hadia kualidade edukasaun ba estudante sira iha Timor”, dehan nia ba jornalista sira iha hafoin hasoru Xefe Estadu.

Okaziaun, padre ne’e ho ninia ekipa konvida Prezidenti Repúblika hodi inagura edifisiu foun eskola ne’ebé sei realiza iha loron 27 novembru iha Bairu Formosa Dili.

Maibé Xefe Estadu seidauk fó resposta tanba sei desloka ba munisípiu Kovalima hodi partisipa seremonia 28 novembru. “Prezidente Repúblika seidauk fó resposta tanba sei haree fila fali oráriu”, tenik.

Jornalista: Agapito dos Santos

Editora: Rita Almeida

HUSIK IDA HATÁN