Debate OR ou Lae Depende Vontade PN

0
175
Primeiru Ministru, Marí Alkatiri

DILI (TATOLI)—Primeiru Ministru, Mari Alkatiri dehan, Orsamentu Retifikativu ne’ebé komisaun C kontra ona ne’e governu prefere akompaña de’it, hodi haree vontade Deputadu sira atu lori ba iha ne’ebé.

“Sira (Deputadu) maka hakarak hanesan ne’e, governu akompaña de’it pare haree sira nia vontade atu lori kestaun ne’e ba to’o iha ne’ebé,” Xefe sétimu governu, Mari Alkatiri informa ba jornalista sira hafoin relata servisu semanál ba Prezidente da repúblika, iha Palásiu Prezidensiál, ohin.

Tuir nia kalkula, ho impedimentu ne’ebé mak komisaun C halo automátikamente sei impede prosesu diskusaun Orsamentu Retifikativu to’o iha fulan Dezembru.

Entretantu iha Palásiu Prezidente Nicolau Lobato Bairru Pité, ohin, Prezidente-da-Repúblika Francisco Guterres Lú Olo simu Primeiru Ministru Mari Alkatiri hodi informa kona-ba atividade semana ida nian no reuniaun Konsellu Ministru.

Primeiru Ministru haktuir katak, atividade VII Governu Konstitusionál nian durante ne’e la’o di’ak no orsamentu retifikativu governu haruka ona ba Parlamentu Nasionál.

(Jornalista : Agapito dos Santos)

(Editór : Manuel Pinto)

HUSIK IDA HATÁN