The Australian Bussines Review Hadi’a ona Publikasaun

0
423
Foto: Jornál tornado

DILI, (TATOLI) – Jornál The Australian Bussines Review hadi’a ona sira nian publikasaun ho tittlu Sunrise hopes rise as talks begin hafoin Gabinete Primeiru-Ministru, Marí Alkatiri hato’o karta protesta ba redasaun.

Karta  esklaresementu ne’ebé ajénsia TATOLI asesu, ohin katak Timor-Leste ezije liga pipeline ho projetu gás Sunrise Timor-Leste reinforsa fila fali ninia insisténsia katak gás husi projetu LNG Greater Sunrise lori ba Timor-Leste, halakon esperansa ba kompromisu ruma ba projetu ida ne’ebé para la la’o kleur ona.

Timor-Leste, reprezentante husi governu Austrália no parseiru sira Sunrise Joint Venture nian – Woodside, ConocoPhilips, Royal Dutch Shell – hasoru malu hela iha Brisbane semana ida ne’e ba negosiasaun primeiru entre parte sira nee hotu iha tinan barak nia laran.

Sunrise paradu ona iha tinan barak nia laran tanba disputa kona ba fronteira marítima entre Austrália ho Timor-Leste no tanba TL ninia determinasaun katak dezenvolvimentu ruma iha futuru tenke envolve pipeline ida husi kampu gazodutu nian ba Timor.

Parseiru sira afavór iha tempu naruk nia laran lori pipeline ba planta LNG ida ne’ebé eziste ona iha Darwin ka planta LNG ida ne’ebé namlele iha tasi leten de’it.

Pipeline ida ba Timor-Leste antigamente konsidera nu’udar opsaun ida ne’ebé la kompetitivu tanba tasi nia kle’an ne’ebé makaas entra Timor-Leste ho kampu Greater Sunrise.

Disputa fronteira marítima rezolve ona hafoin Tribunál Permanente ba Arbitrajen iha Copenhagen deside iha agostu hodi husik parte sira atu konkorda kona ba modalidade ba dezenvolve kampu gazodutu sira.

Entretantu, antes ne’e, Xefe gabinete primeiru-ministru (GPM) sétimu governu konstitusionál, Nelson Santos, “rekuza fortemente” informasaun ne’ebé publika husi The Australian Bussines Review relasiona ho sira-nia publikasaun kona-ba deklarasaun PM, Marí Alkatiri.

“Buat hotu iha meja leten”, hatan xefe governu, Marí Alkatiri hodi hatan ba The Australian Bussiness Review, bainhira husu kona-ba, se Timor-Leste sei konsidera opsaun ruma ne’ebé la involve pipeline ba Timor-Leste, xefe gabinete Nelson Santos hasara iha karta ne’ebé Tatoli asesu.

Nia haktuir tan katak dezenvolvimentu ruma iha kampu Greater Sunrise tenki inklui opsaun lori pipeline mai Timor-Leste.

“Insfraestrutura sira ne’ebé ami dezenvolve hela iha kosta sul ami-nia país nian atu sai fatin ba prosesamentu petróleu sai nu’udar testamentu forte ba ami-nia komitmentu ida nee”, dehan xefe gabinete ne’e hodi sita afirmasaun Primeiru-Ministru, hodi reforsa katak PM iha konfiansa totál iha xefe negosiadór Timor-Leste nian, eis-Prezidente Xanana Gusmão.

Jornalista: Rafy Belo

Editora: Rita Almeida

https://www.google.com/url?q=http://www.theaustralian.com.au/business/mining-energy/timor-leste-demands-pipeline-link-to-sunrise-gas-project/news-story/695fd493533f3e4393451b8650ce75b0&sa=U&ved=0ahUKEwjwuJTj5LPXAhVCObwKHfq3C0QQFggLMAI&client=internal-uds-cse&cx=012148326047351459851:t-0dbr0qusq&usg=AOvVaw0ucYgGzmXy0bH60mDbD4-W

HUSIK IDA HATÁN