Vendedór Fa’an Sasán La Konfortavel

0
61
FOTO Espesial

DILI (TATOLI)—Deputadu Josefa Alvares Pereira sente ‘Triste’ tanba vendedór sira la sente konfortavel bainhira fila liman iha merkadu, indikadór ida mak autoridade munisípiu halo Atuasaun ida demaziadú liu.

Tuir dekretu lei nú 33 /2008, Administradór Distritu ho ninia funsionáriu sira iha kompeténsia halo Atuasaun hygiene no orden públiku, maibé Atuasaun husi autoridade ne’e demaziadú,” Josefa Alvares Pereira lamenta kestaun ne’e iha Plenária, Segunda (02/10).

Ho atitude Demaziadú Deputada bankada FRETILIN ne’e husu ba governu atu tau atensaun ba fasilidade merkadu hodi fasilita vendedór sira fa’an sasán ho konfortavel.

“Tenke iha medida adekuadu ho merkadu ne’ebé di’ak uitoan, fasilidade di’ak, atu nune’e sira mós bele sente konfortavel fa’an sira nia modo tanba sira tenke dezenraska buka osan,” Josefa realsá.

Dekretu lei nú 33 /2008, kona-bá hygiene buat ida di’ak, maibé husu atu  administradór Distritu ho ninia funsionáriu sira iha kompeténsia halo Atuasaun. Nune’e bainhira atu halo Atuasaun, presiza hatene no hanoin katak, agrikultór mai fa’an modo, lori tempu naruk, hodi hetan osan uitoan, maibé Atuasaun halo emminutu no emsegundu husi autoridade, no pior liután kuandu soe ba karreta laran sama dodok hotu modo, ida ne’e se de’it mak hare mós laran moras.

Atuasaun ne’ebé sira (Autoridade Munisípiu) halo iha semana rua liubá, ita sente ladún furak tanba orden públiku tenke halo konstantemente labele ita presiza mak ita halo, nune’e mós hygiene tenke halo iha forma ida konstante.

Hygiene iha fatin públiku barak mak tenke halo, maibé nusa mak halo de’it ba agrikultór no ai leba sira.

“Ha’u hanoin la los ida, tenke foti medidas adekuada ne’ebé ema bele komprende katak limpeza, hygiene no ordem públiku ne’e importante maibé ho forma pozitivu,” Josefa konklui.

(Jornalista: Julia Chatarina)

(Editór : Manuel Pinto)

HUSIK IDA HATÁN