“Sidadaun Amante Ba Páz” Husu PR Promove Diálogu

0
163
Sidadaun Amante ba Pas hasoru Prezidente Repúblika, Francisco Guterres Lú Olo iha Palásiu Prezidensiál Nicolau Lobato Bairo Pite, ohin. Foto mídia PR

DILI, (TATOLI) – Sidadaun Amante Ba Páz (sidadaun hadomi dame) aprezenta pareser (hanoin) ba Prezidente Repúblika (PR), Francisco Guterres Lú Olo relasiona ho dezenvolvimentu situasaun sosiál no polítika ne’ebé akontese iha Parlamentu Nasionál.

Opiniaun ne’e, sidadaun hadomi dame husu atu Xefe Estadu uza kompeténsia tuir konstituisaun RDTL para promove diálogu intensivu ho líder partidu polítiku sira hodi hetan solusaun ba situasaun atuál.

Portavóz Sidadaun Amante Ba Páz, Luis Oliveira Sampaio.

“Hanesan espriénsia iha 2007, 2012 to’o tinan 2017, tuir loos ita iha opsaun barak atu hetan dalan klaran ba problema ne’ebé maka ita enfrenta”, Portavóz Sidadaun Amante Ba Páz, Luis Oliveira Sampaio, ba jornalista sira iha Palásiu Prezidente Nicolau Lobato, Bairru Pité, Dili, tersa ne’e, hafoin reuniaun ho Lú Olo.

Luis Oliveira haktuir, Prezidente Repúblika iha ajenda rasik kona-ba diálogu ba semana sira tuir mai atu hetan dalan.

Atuál Diretór Judicial System Monitring Programme (JSMP) mós dehan, polítikamente, partidu polítiku sira ho polítika rasik, maibé hein katak bele hetan konsensu iha Parlamentu Nasionál atu loke dalan ba dezenvolvimentu no estabilidade nasionál.

Jornalista: Xisto Freitas

Editora: Rita Almeida

HUSIK IDA HATÁN