Sétimu Governu Mai Atu Hadi’a

0
236
Membru Governu 20 simu pose ba etapa daruak ne'ebé hala'o iha Palásiu Prezidensiál, ohin loraik. Foto António Goncalves

DILI (TATOLI)-Primeiru-Ministru Marí Bin Amudi Alkatiri, afirma, sétimu governu mai ho misaun boot ida atu hadi’a setór hotu-hotu inklui FALINTIL-Forsa Defeza Timor-Leste (F-FDTL) no Polísia Nasionál Timor Lorosa’e (PNTL).

PNTL ho F-FDTL governu sei atensaun espesiál liu iha área formasaun no meiu nesesáriu hotu atu dezempeñu sira-nia funsaun hodi garante soberania no pás.

“Repete pozisaun ha’u-nia Governu, ho naran Governu nian fó apoiu totál ita-nia ekipa  negósiu fronteira Marítima no terrestre Timor-Leste. Sua Exelénsia Kay Rala Xanana Gusmão, no ekipa ne’ebé xefia, sempre hetan rekoñesementu formál, lejitimasaun no apoiu,” Primeiru-Ministru Mari Alkatiri realsa iha seremonia toma pose faze daruak sétimu governu konstitusionál iha Palásiu Prezidente Ai tarak-Laran, ohin.

Estrutura sétimu governu ne’ebé pose ohin inklui Ministru Adjuntu Primeiru-Ministru ba Delimitasaun Fronteira, Hermenegildo Augusto Cabral Pereira. Ho hanoin ida atu fó kontinuidade Estadu nian hola parte iha ezisténsia konseitu ida ba nesesidade atu dezenvolve kultura sólida ida no vida institusionál Estadu nian.

Delimitasaun Fronteira permanente iha ita-nian territóriu ne’ebé inklui rai, tasi no anin, mak imperativu ida afirmasaun plena ita-nian Estadu. Tanba ne’e Sétimu Governu entende katak nesesidade kria instituisaun adekuada ida, Alta Autoridade para ba jestaun tema ida ne’e importante liu.

Alta Autoridade sei asume husi ema hotu hanesan solusaun ida ne’ebé garante konsistente interese komún ita-nia Estadu no ita-nia povu.

Iha prosesu governasaun VII Governu trasa nesesidade ba kontinuidade no polítika dezenvolvimentu sustentável adekuada ho planu no programa Objetivu Dezenvolvimentu Sustentável Nasaun Unida Nian.

Planu Estratéjiku Dezenvolvimentu Nasionál presiza gia ida klaru no koerente ba implementasaun.

“Ha’u-nia Governu sei halo atu inisia prosesu elaborasaun gia ne’e no sei foti inkluzaun forsa reprezentativa hotu povu nian iha Parlamentu Nasionál, opiniaun no proposta sobre kestaun espesífika ne’e no relasaun ho adosaun polítika no atu estruturante Estadu no interese nasionál nian.”

Inklui atu aumenta partisipasaun hotu, interasaun ho forsa moris sosiedade nian, define forma kolaborasaun no apoiu mútua entre Estadu, igreja Katólika no konfisaun relijioza sira hotu, sempre sai hanesan baze inkontornavel  polítika VII Governu Konstitusionál ne’ebé iha subida onra atu prezide.

(Jornalista : Maria Auxiliadora)

(Editór : Manuel Pinto)

HUSIK IDA HATÁN