SERVE Implementa Ona Lei Foun

0
164
Diretór Ezekutivu SERVE, Florêncio Sanches.

DILI (TATOLI)- Diretór Ezekutivu Servisu Rejistu no Verifikasaun Emprezariál (SERVE), Florêncio Sanches  informa to’o iha loron 14 Setembru 2017 lei ne’ebé aplika durante tinan 10 iha SERVE revoga ona no iha loron 15 Setembru implementa ona lei foun.

Lei foun ne’e mak lei númeru 10/2017, sosiedade komersiál ne’ebé revoga ona, dekretu lei númeru 16/2017 ne’ebé revoga fali lei númeru 7/2016, kódigu rejistu komersiál no lei númeru 7/2017.

“Lei ida fali foun tan foin mak Prezidente promulga daudaun, seidauk publika iha jonál repúblika mak atividade ekonómika. Ne’e lisensiamentu ba atividade ekonómika sira-nian, tanba sá, tanba aban bainrua laiha ona buat ida lisensiamentu ekonómiku maibé iha ona lisensiamentu sektorál,” Florêncio hatete iha Matadouru, ohin

Lei foun ne’e fó hotu ba iha SERVE nia kaba’as atu utiliza lei ne’e nu’udar kompeténsia para regula emprezáriu sira.

Lei foun sosiedade komersiál nian akontese mudansa boot ida. Uluk ita hatete ema pelu menus deklara nia osan mil 5000 dólar amerikanu atu harii kompañia maibé lei foun ne’e hatete lapresiza, temi de’it  pelu menus dólar ida.

Aleinde ne’e kona-ba sosiedade anónima, uluk asaun sira ne’e kada asaun pelu menus dólar 10 maibé agora hatun ba kada asaun dólar ida nomós  iha lei foun ne’e kompañia sira ne’ebé eziste ona, sira-nia lukru kada tinan to’o ona millaun U$2, obrigatoriamente tenke iha auditoria esterna.

Ba sertidaun rejistu komersiál uluk lamate to’o bainhira de’it maibé ho lei foun iha ona validade, entaun iha mudansa boot ne’ebé SERVE tenke tau iha ajenda hodi halo formasaun ba iha públiku no emprezáriu sira tantu internu husi Governu nian mós estende ba emprezáriu sira tanba mudansa boot ida ne’e.

(Jornalista : Maria Auxiliadora)

(Editór : Manuel Pinto)

HUSIK IDA HATÁN