Rekursu TL La’ós De’it Petróleu

0
289
Prezidente Institutu Petróleu no Jeolojia, Helio Casimiro Guterres ho ninia delegasaun bainhira hasoru Prezidente Repúblika, Francisco Guterres Lú Olo iha Palásiu Prezidente Nicolau Lobato Bairo Pite. ohin. Foto mídia PR

DILI, (TATOLI) – Prezidente Institutu Petróleu no Jeolojia, Helio Casimiro Guterres, hateten rezultadu estudu jeolójiku identifika Timor-Leste iha rekursu naturais la’ós mina no gas maibé rikeza seluk mós barak hanesan fatuk no minerál industriál.

“Ami nia atividade barak, liliu kona-ba estudu jeolójiku hodi halo identifikasaun  ba ita nia riku soin hanesan fatuk minerál sira ne’ebé halo kerámika, sementu, minerál industria sira hanesan, manganés, kóre, titaniu no seluk tan ita ihaʺ, informa Casimiro ba jornalista sira hafoin hasoru malu ho Prezidente Repúblika, Francisco Guterres Lú Olo iha Palasiu Presidensiál Bairo-Pite, ohin.

Instituto ne’e estabelese iha 2012, tutela ba Ministériu Petróliu no Rekursu Minerais. “Ami nia misaun prinsipál maka atu koleta dadus ita nia riku soin ne’ebé maka ihaʺ, hatutan.

Xefe Estadu apresia ho institutu públiku ne’e atu apoiu governu hodi hala’o dezenvolvimentu iha rai laran.

ʺPrezidente apresia no fó suporta polítika no moral ba kontinuidade instituto ne’e tanba ita presiza hatene ita nia riku soin sira iha rai okos, tasi laranʺ, realsa.

Jornalista: Agapito dos Santos

Editora: Rita Almeida

HUSIK IDA HATÁN