Reforma Sistema Seguransa Fronteira, F-FDTL troka UPF

0
370
Ministru Defeza no Seguransa, Agustinho Sequeira “Somotxho”. Imajen Mídia Palásiu PR.

DILI (TATOLI)—Ministru Defesa no Seguransa Agostinho Somotxo deside atu FALINTIL-Forsa Defesa Nasionál (F-FDTL) mak toma konta fali seguansa iha fronteira Indonézia ho Timor-leste hodi troka unidade polísia patroliamentu-UPF.

 Dezisaun ne’e Somotxo hola bazeia ba ba konstituisaun RDTL artigu 146 no 147 ne’ebé fó kompetensia ba instituisaun F-FDTL no PNTL.

“Ita sei implementa polítika ne’e durante mandatu sétimo governu konstitusionál,” Agostinho Somotxo informa ba Jornalista sira iha Palásiu Governu, ohin

Modelu seguransa fronteira ba oin, F-FDTL mak sai nu’udar primeiru liña no UPF so bele reforsa de’it, maske nune’e Somotxo la esplika lolos bainhira mak implementa polítika refere.

Rajaun F-FDTL mak tenke fó segunsa ba fronteira tanba Konstituisaun RDTL, artigu 146 ko-alia kona-bá defesa no seguransa nasaun nian, iha alinea II hateten, FALINTIL-FDTL garante independénsia nasionál, integridade territoriál, liberdade no populasaun nia seguransa hasoru agresaun ruma ka ameasa externa, ho respeitu ba orden konstitusionál.

 “Konstituisaun RDTL artigu 146 no artigu 147 defini ona kna’ar idak-idak  husi  instituisaun Falintil FDTL no Polisia Nasionál Timor-Leste,” Somotxo afirma.

Enkuantu, artigu 147 koalia ko-naba polísia no forsa seguransa nian, iha alinea 1 hateten, Polísia sei defende legalidade demokrátiku no garante sidadaun sira-nia seguransa internu, maibé sira labele iha partidu polítiku.

(Jornalista:Agapito dos Santos).

(Editór : Manuel Pinto)

HUSIK IDA HATÁN