PTR Aprezenta Serbisu Kámara Kontas ba Prezidente Repúblika

0
59
Enkontru entre Prezidente Repúblika, Dr. Francisco Guterres Lú Olo ho Prezidente Tribunál Rekursu, Deolindo dos Santos. Imajen Mídia Palásiu PR.

DILI, (TATOLI) – Prezidente Tribunál Rekursu (PTR), Deolindo dos Santos hala’o reuniaun mensál ho Prezidente Repúblika, Francisco Guterres Lú Olo hodi ko’alia kona-ba Kámara Kontas.

Deolindo informa Tribunál Rekursu prepara hela relátoriu pareser kona-ba Konta Jerál Estadu ne’ebé tuir lei Tribunál Rekursu sei aprezenta ba Parlamentu Nasionál, tarde liu iha 31 dezembru tinan ne’e.

“Tribunál Rekursu sei halo esforsu atu finaliza relatóriu molok 31 dezembru hodi aprezenta ba Parlamentu Nasionál, relatóriu ne’e sei sai komponente ida bainhira hala’o diskusaun ba Orsamentu Jerál Estadu ba tinan 2018”, hato’o ba jornalista sira iha Palásiu Prezidente Nicolau Lobato, Bairru Pité, segunda ne’e hafoin sorumutu ho Xefe Estadu.

Ba kestaun ne’e, Prezidente Repúblika konkorda no husu atu Tribunál Rekursu bele konklui relátoriu pareser Konta Jerál Estadu atu hato’o ba Parlamentu Nasionál molok diskusaun Orsamentu Jerál Estadu.

Jornalista: Xisto Freitas

Editora: Rita Almeida

HUSIK IDA HATÁN