Programa Governu Prioridade Ba Infraestrutura Bázika

0
215
Primeiru Ministru, Dr. Marí Alkatiri hala´o enkontru ho Prezidente Repúblika, Dr. Francisco Guterres Lú Olo, ohin dadér. Imajen Mídia Palásiu PR.

DILI, (TATOLI) – Governu Konstitusionál Dahituk durante tinan lima nia laran sei fó prioridade ba infraestrutura bázika ne’ebé konsentra ba iha bee-moos, eletrisidade no estrada.

“Ita haree hosi parte leste, raiklaran to’o oeste, estrada kuaze ladi’ak, falta bee-moos ba populasaun sira no populasaun balun seidauk asesu ba eletrisidade”, Primeiru Ministru, Marí Alkatiri hato’o informasaun ne’e ba jornalista sira iha Palásiu Prezidente Nicolau Lobato, Bairru Pité, kinta ne’e.

Nia hatutan, prioridade mós ba abitasaun ka uma ba populasaun kbiit laek sira iha territóriu Timor nomós hadi’a kapitál Dili tanba ema barak demais nune’e fó impaktu ba ema nia movimentasaun.

“Horsehik Konsellu Ministru deskute ona programa governu maibé seidauk aprova tanba proposta oi-oin mai hosi ministru sira, katak ministru balun atu hatama tan buat ruma no balun hakarak hasai buat ruma entaun sei aprova iha sesta aban no segunda semana oin sei haruka ba Parlamentu Nasionál”, haktuir Marí.

Jornalista: Xisto Freitas

Editora: Rita Almeida

HUSIK IDA HATÁN