Primeiru Ministru Husu Públiku Mantein Unidade Nasionál

0
307
Komité 12 Novembru foto hamutuk ho Primeiru Ministru, Marí Alkatiri ho Ministru Adjuntu Primeiru Ministru ba asuntu Governasaun, José Maria dos Reis. Foto GPM

DILI, (TATOLI) –Primeiru Ministru, Marí Alkatiri husu ba públiku atu mantein unidade nasionál, dame no  estabilidade hodi apoiu prosesu dezenvolvimentu.

“Enkontru ne’e Primeiru Ministru husu komité 12 de Novembru atu hato’o hela mensajen ba públiku atu mantein unidade nasionál, mantein pás no estabilidadeʺ, hatutan Sekretáriu Jerál Komité 12 Novembru, Justiano de Jesus ba jornalista sira hafoin hasoru malu ho Xefe Ezekutivu iha Palásiu Governu, ohin.

Nia hatete, komité 12 Novembru nia papél ida mós oinsá atu kontinua fó apoiu ba Estadu hodi garante unidade nasionál hodi mantein dame ba apoiu dezenvolvimentu.

Enkontru ne’e, Komité mós husu apoiu governu dahituk atu apoiu ba kongresu daruak komité nian iha fulan oin.

Sekjer hatutan, kongresu ne’e sei halibur fali sobrevivente, sosiedade, akademiku hodi diskute kona-ba planu komité nian ba futuru nomós seremonia  komemorasaun 12 novembru 2017.

ʺAtu haree liliu papel komité 12 novembru nian  ba futuru ne’e sei diskute iha segundu kongresu ne’eʺ, hateten.

Primeiru Ministru hato’o ona prontidaun atu apoiu komité hodi realiza kongresu daruak no komemorasaun 12 novembru.

Jornalista: Agapito dos Santos

Editora: Rita Almeida

HUSIK IDA HATÁN