iklan

NASIONÁL

Prezidente Repúblika Husu Garante Estabilidade

Prezidente Repúblika Husu Garante Estabilidade

Prezidente Repúblika, Francisco Guterres Lú Olo. Foto António Goncalves

DILI, (TATOLI) – Prezidente Repúblika, Francisco Guterres hateten Nasaun husu timoroan hotu-hotu ninia partisipasaun no presiza estabilidade atu bele lori projetu dezenvolvimentu ba oin.

“Durante ita nia libertasaun, ita hotu aprende barak. Aprende hasees án hosi liafuan sira ne’ebé fahe ita, aprende atu dada án hosi radikalizmu, ita la-kaer metin de’it ita nia hanoin no hakarak maibé ita rona mós maluk sira seluk”, hato’o Lú Olo liuhusi ninia diskursu iha seremónia tomada pose ba membru governu dahituk na’in lima iha Palásiu Prezidente Nicolau Lobato, Bairru Pité, tersa, (17/10).

Nia hatete, governu harii ho kuidadu tomak liuhusi dalan ida ne’ebé buka unidade timoroan sira nian, buka kuadru ho kualidade, la hasees ema ida hosi dezenvolvimentu nasionál no prosesu harii Governu ida ne’e la’ós halo ho ansi, la’ós dudu ba oin arbiru de’it no halo lalais de’it.

“Ha’u saúda  Primeiru Ministru ba ninia esforsu tomak, liuhusi diálogu no dalan ne’ebé nia rasik iha ona esperiénsia, atu hetan solusaun estável. Solusaun ida ne’ebé metin tebes ho hahalok di’ak ba hotu-hotu iha tempu naruk”, subliña.

Nia salienta, Estadu Timor ninia maturidade foin tinan sanulu resin lima de’it, maibé ida ne’e hahú hosi prosesu ida ne’ebé nakonu ho sakrifísiu, rezisténsia nasionál no unidade povu nian.

Jornalista: Xisto Freitas

Editora: Rita Almeida

iklan
iklan

Leave a Reply

iklan
error: Content is protected !!