PR Simu Kredensiál Hosi Embaixadór Tolu

0
214
Ministru Negósiu Estranjeiru no Kooperasaun, Aurelio Cristovão Guterres.

DILI (TATOLI)—Prezidente Repúblika Francisco Guterres Lu olo ohin, simu ona karta kredensiál husi Embaixadór nasaun Filipina, Abdulmaid Kiram Muin, Embaixadór Francesa Jean Charles Bethonnet no embaixadór Colómbia ba Timor-Leste Jose Renato Salazar iha Palasiu Prezidénsial Bairru-Pite, Dili.

Ministru Negosiu Estrangeiru no Koperasaun, Aurelio Guterres hateten, husi Repúblika Filipina kompromete atu mantein koperasaun ho Timor-Leste liu-liu aselera prosesu adezaun Timor-Leste ba ASEAN.

Entertantu reforsa apoiu ba Timor-Leste liuhosi programa Uniaun Europeia, Repúblika Francesa mós sei fó tulun ba Timor-Leste.

ʺUniaun Europeia sei fó apoiu maka’as ba programa sira ne’ebé uniaun europeia implementa hanesan iha área Boa-Governasaun, Dezenvolvimentu rurál nomos reforsa institusionál liu-liu iha área finanseira,ʺ Aurelio esplika.

Enkuantu, Repúblika Colómbia foin apresenta primeira karta kredensiál ba Prezidente Repúblika tanba ne’e sei hare posibilidade atu esplora kooperasaun entre nasaun rua.

(Jornalista :Agapito dos Santos).

(Editór : Manuel Pinto)

HUSIK IDA HATÁN