PR Lú Olo Sei Partisipa Asembleia Jerál FONGTIL Iha Fulan Oin

0
97
Diretór Ezekutivu FONGTIL, Arsenio Pereira da Silva. Foto/FONGTIL.

DILI (TATOLI)—Prezidente Repúblika, Francisco Guterres Lú Olo disponivel atu halo abertura ba asembleia jerál Organizasaun Naun Govermantais (ONG) FONGTIL iha fulan oin (Novembru) bazeia ba konvite hosi FONGTIL ne’ebé hato’o ba Xefe estadu ohin.

Diretór Ezekutivu FONGTIL, Arsénio Pereira, esplika katak, asembleia jerál FONGTIL nian, nu’udar atividade planeadu ne’ebé akontese dala ida kada tinan tolu, hodi halibur membru sosiedade sivíl ne’ebé hamahan an iha sombriña FONGTIL nian, hodi diskute mandatu foun organizasaun FONGTIL nian.

“Ami konvida ona Prezidente atu halo abertura ba ami nia asembleia jerál iha fulan Novembru,” Arsénio Pereira informa bainhira hasoru jornalista sira iha Palásiu Prezidensiál, Bairru Pité, Dili, Ohin.

Iha Asembleia jerál ne’ebé FONGTIL organiza ne’e mós, matéria ne’ebé sei diskute, ida mak, revizaun ba estatutu organizasaun, hili konsellu foun no aprezenta relatóriu servisu durante mandatu tinan tolu ho orsamentu.

Objetivu seluk enkontru FONGTIL ho Xefe estadu, FONGTIL relata kona-bá rezultadu servisu parseria sosiedade sivíl ho sestu governu .

Entretantu FONGTIL nu’udar organizasaun sombriña ba organizasaun sosiedade sivíl definitivu hamutuk, 349, no organizasaun hamutuk 36 mak oras ne’e konsidera hanesan kandidatu. Organizasaun sira ne’e hotu kompostu hosi nasionál tantu internasionál.

(Jornalista: Agapito dos Santos)

(Editór : Manuel Pinto)

HUSIK IDA HATÁN