PR Husu Sosiedade Sivil Kontribui Hametin Estabilidade

0
171
Prezidente Repúblika, Francisco Guterres Lú Olo. Foto António Goncalves

DILI (TATOLI)—Prezidente da Repúblika, Francisco Guterres Lú Olo husu ba sosiedade sivíl sira iha Timor-Leste atu kontribui hodi hametin pas relasiona ho situasaun polítika ne’ebé ohin loron akontese.

“Prezidente fó korajen ba sosiedade sivíl tomak hodi mantein pás no estabilidade. Prezidente konsidera sosiedade sivíl importante atu apoia estadu hodi hametin pas no estabilidade,” Prezidente Repúblika Francisco Guterres Lú Olo afirma hafoin realiza sorumutu ho Sosiedade Sivíl, FONGTIL, iha Palásiu Prezidensiál, Bairru Pité, Sesta, ohin.

Nu’udar xefe do estadu, Lú Olo garante katak sei halo esforsu tuir konstituisaun atu nasaun ne’e moris iha situasaun ida pás no hakmatek.

Dalan ida mak fasilita dialog entre lider polítiku sira (Xanana Gusmão, Mari Alkatiri, Taur Matan Ruak) nu’udar meius ne’ebé Prezidente Repúblika utiliza atu tau hamutuk lider sira ne’e hodi ko’alia ba malu nune’e bele ultrapasa situasaun polítika ne’ebé ohin loron akontese iha Timor-Leste.

(Jornalista: Agapito dos Santos).

(Editór : Manuel Pinto)

Notísias Relasiona:

Grupo Rezistensia Husu Xanana-Alkatiri Cs Dialog

HUSIK IDA HATÁN