PN Husu Governu Kria Ajénsia Kontrola Sasan Inportasaun

0
76
Agua ida ne’e mak hatur iha deputadu sira nia meza iha Parlamentu Nasionál

DILI (TATOLI)—Parlamentu Nasionál (PN), liuhosi deputada FRETILIN, Maria Angélica husu ba sétimu governu atu kria ajensia ida hodi kontrola sasan inportasaun sira mai Timor-Leste, basa III lejizlatura aprova ona lei protesaun konsumidor.

“Governu tenke kria ajénsia ruma atu nune’e importasaun sira mai husi li’ur tenke tau naran ka label timor ninian. Lei iha ona maibé tanba sá sidauk iha estabelesimentu ? Sala se nia?,” Maria Angélica levanta iha plenária, ohin, relasiona ho preokupasaun Deputadu bankada Partidu Libertasaun Popular (PLP), Abel Pires ba bee Agua ne’ebé tau iha meza deputadu sira ho label Indonézia, marka tan bandeira Indonézia nian.

 “Ha’u laiha problema ho produtu nasaun ne’e maibé ha’u iha problema kuandu iha uma fukun ida ne’e bandeira nasaun seluk tau iha ita nia oin no hatete tan dehan ha’u ema Indonézia,” Abel lamenta liuhosi deklarasaun iha plenária.

Nia dehan, nusa Parlamentu lá konsume bee ne’ebé Timor mak halo, tenke uza fali ema hosi rai seluk nia bee, keta halo ida ne’e tanba intensaun ruma.

(Jornalista: Julia Chatarina)

(Editór : Manuel Pinto)

HUSIK IDA HATÁN