PM Reforsa Kompromisu Hodi Promove Igualdade Jéneru

0
255
Foto hamutuk hafoin enkontru. Foto Tatoli/Egas Cristovão

DILI, (TATOLI) – Primeiru Ministru, Marí Alkatiri enkontru ho Xefe UN Women, Sunita Caminha hodi reforsa kompromisu Entidade Nasoen Unida hodi promove igualdade jéneru iha Timor-Leste.

Xefe UN Women, Sunita Caminha. Foto Tatoli/Egas Cristovão

“Hanesan governu foun, ami mai hodi hasoru Xefe Governu, Marí Alkatiri, ohin, nia reforsa kompromisu UN Women hodi promove igualdade jéneru”, haktuir Xefe UN Women, Sunita Caminha ba jornalista sira iha Palásiu Governu, kuarta (11/10).

Nia hateten, UN Women durante ne’e servisu hamutuk ho Governu dezde 2001 ne’ebé foku liu ba oinsá atu promove igualdade jéneru, enkuantu iha 2015 servisu ho Gabinete Primeiru Ministru hodi promove igualdade jéneru.

Entretantu, UN Women kolabora ho Governu hodi promove partisipasaun feto iha vida polítika, sai lideransa di’ak, hakbiit feto iha área ekonomia, servisu hodi hamenus violénsia feto no mós promove igualdade jéneru iha planu no orsamentu instituisaun governu nian.

Implementasaun servisu durante ne’e, nia dehan, rezultadu kapas tebes, sente katak Timor-Leste iha kompromisu barak promove igualdade jéneru no haree iha mudansa partisipasaun no balansu iha igualdade jéneru iha aspeitu hotu.

Jornalista: Zezito Silva

Editora: Rita Almeida

HUSIK IDA HATÁN