PM Konsidera Plataforma AMP Kontra-Natura

0
310
Primeiru Ministru, Marí Alkatiri ho Ministru Estadu Konselleru Seguransa Nasionál, José Ramos Horta iha debate programa ne'ebé aprejenta ba Parlamentu Nasionál. Foto Tatoli/António Goncalves

DILI (TATOLI) –Primeiru Ministru, Mari Alkatiri konsidera plataforma ne’ebé opozisaun ne’ebé hanaran an “AMP” (Aliansa Maioria Parlamentár) foin lalais ne’e, kontra-nature.

“Aliansa ida agora daudauk halo ne’e kontra nature povu no polítika. La’ós ha’u mak halo kontradisaun maibé kontradisaun mai husi aliansa ne’e,” Mari Alkatiri realsa iha debate programa VII Governu Konstitusional iha plenária parlamentu Nasionál, Kuarta (18/10).

Xefe Governu ne’e dehan, CNRT nu’udar partidu ne’ebé defende projetu tasi mane no Zona ekonomia Espesiál Merkadu Sosiál (ZEEMS) Oekusi maibé agora halo aliansa ho partidu ne’ebé mak kontra programa hirak ne’e. imajina, bainhira CNRT mak ukun nafatin nia lá fiar CNRT agora estátiku.

Nune’e nia husu ba deputadu sira atu la bele ilustra povu nia espetativa. Povu nia votu mai ita ne’e tanba sira iha espetativa ida maibé derrepente mai kahur no haluha ita nia promesa ba povu.

Nune’e nia afirma, kontinuidade ba FRETILIN ne’e normal no natural la’ós kontra-nature no iha termu vizaun estadu no sentidu estadu, estadu hanesan kontinuidade permanente, governu mak muda.

Iha parte seluk xefe bankada Partidu Libertasaun Popular-PLP, Fidelis Magalhães hatán, “Ita kontinua ho grandee projetu ho problema ne’ebé intensivu iha kapitál la’ós iha servisu ami dúvida tebes katak programa hirak ne’e kontinua rekonsilia kontinuidade mudansa.”

Tanba ne’e, PLP prefere opozisaun no la hola parte iha ezekutivu tanba hakarak demokrasia ne’e kontinua, atu kontinua presiza iha opozisaun no partidu ne’ebé iha governu labele halo programa ida atu opozisaun no governu hotu hamutuk iha opozisaun no iha tempu hanesan hamutuk iha ezekutivu.

“Iha termu prátiku, ami hanoin ida ne’e la di’ak tanba ne’e mak ami dezkorda ho programa ida ne’e.”

Tuir Fidelis PLP konkorda ho aliansa ida ho CNRT no KHUNTO hodi halo plataforma no konkorda ho polítika ida atu bele garante polítika ne’ebé di’ak liu, dezenvolvimentu ne’ebé estavel liu, governasaun ne’ebé  di’ak liu.

Enkuantu ema dehan mudansa sei laiha, iha polítika demokrasia importante liu mak kapasidade ba partidu sira atu bele halo negosiasaun entre sira no bele konsente katak impossible partidu  sira bele avansa mesak, a não ser iha kondisaun para bele avansa mesak entaun ida ne’e hanesan dinámiku polítika atu serve hanesan oportunidade di’ak ida katak PLP bele lori mudansa konforme PLP komprende.

 (Jornalista: Julia Chatarina)

(Editór : Manuel Pinto)

HUSIK IDA HATÁN