PM Alkatiri Vizita L4 Ne’ebé Moras Iha Ospitál

0
1129
Primeiru-ministru Marí Alkatiri konversa hela ho Ministru Saúde Rui Maria de Araújo hafoin vizita L4. Foto: GPM

DILI (TATOLI)-Primeiru-ministru Marí Alkatiri, akompaña hosi Ministru Saúde Rui Maria de Araújo ho Sekretáriu Estadu Konsellu-ministru no Komunikasaun Sosiál, Matias Boavida, ohin halo vizita ba Sekretáriu Estadu Asuntu Veteranu André Belo alias L4 iha Ospitál Nasionál Guido Valdares.

“Ha’u-nia devér atu tau matan, atu haree, se presiza buat ruma tan,” Mari Alkatiri informa ba jornalista sira hafoin vizita L4, ohin, Kuarta (25/10).

Alkatiri sente kontente tanba kondisaun saúde pasiente Sekretáriu Estadu Asuntu Veteranu di’ak hela maibé presiza deskansa.

“Ha’u kontente tanba doutór sira dehan tratamentu la’o di’ak hela. Presiza tempu oi tuan para atu deskansa atu kontinua halo tratamentu,” primeiru-ministru, Marí Alkatiri esplika hafoin haree kondisaun L4.

Antes ne’e mós Sekretáriu Estadu L4 hetan mós vizita hosi, Prezidente Partidu Libertasaun Popular (PLP), Taur Matan Ruak.

To’o notísia ne’e tun parte Tatoli, seidauk iha informasaun ruma hosi parte médiku kona ba moras ne’ebé afeta ba Sekretáriu Estadu L4.

(Jornalista: Rafy Belo)

(Editór : Manuel Pinto)

HUSIK IDA HATÁN