PM Alkatiri Simu Felisitasoens Husi Fundasaun Ázia

0
126
Primeiru Ministru, Marí Alkatiri iha serimonia tomada pose ba etapa daruak ne'ebé hala'o iha Palásiu Prezidensiál, ohin loraik. Foto António Goncalves

DILI (TATOLI)—Primeiro-Ministro no Ministro Dezenvolvimentu ba Reformas Institusionais, Mari Alkatiri, simu felisitasoens husi Reprezentante País Fundasaun Ázia iha Timor-Leste, Todd Wassel, ba kargu nudar Primeiru-Ministru ba VII Governu Konstitusional, periodu tinan 2017 to’o ba iha tinan 2022.

Fundasaun Ázia iha karta felisitasoens mai Primeiru-Ministru espresa sira nia konfiansa ba Primeiru-Ministru Dr. Marí Alkatiri nia lideransa, hodi garante soberania país nian no lidera governu ida ne’ebé justu, transparante no akuntavel hodi benefisiu povu Timor-Leste tomak no lori Timor-Leste ba nasaun ida prósperu no sustentavilmente dezenvolvidu.

Servisu hamutuk Fundasaun Ázia ho parseiru sira iha Governu, sosiedade sivil, mídia, akadémiku no grupu komunidade sira hahu desde tinan 1992, hodi implementa programa sira iha reforma judisiáiru, fortalese direitus humanus, ekonómiku no haluan partisipasaun sidadaun sira inklui partisipasaun feto Timor oan sira.

Liu husi kooperasaun ne’ebe estabelesidu ona, Fundasaun Ázia sei kontinua apoiu Timor-Leste nia lideransa no instituisaun sira hodi asegura prestasaun servisu ho kualidade ba povu Timor-Leste no hamutuk kria espasu ba dezenvolvimentu sustentavel ba Timor-Leste iha tinan barak tuir mai.

(***)

HUSIK IDA HATÁN