PDHJ sei Fó Formasaun Diretu Umanus ba F-FDTL

0
68
PDHJ, Silveiro Pinto, kaer liman ho PR Francisco Guterres Lú Olo.

DILI (TATOLI)-Prévedór Diretu Umanus no Jústisa Silveiro Pinto hateten, iha meadu fulan Novembru sei fó formasaun kona-ba diretu umanus ba instituisaun falintil-Forsa Defesa Timor-Leste-(F-FDTL) durante semana ida iha Dili, maibé antes realiza sei hala’o uluk seminariu.

Prezidente da Repúblika, Francisco Guterres Lú Olo mak sei loke seminariu refere, enkuantu formasaun sei fo hosi treinador sira mak hanesan PDHJ, Silveiro Pinto inklui orador sira hosi internasionál ne’ebé sei hato’o materia kona-bá “Aspetu implementasaun diretu Umanus iha Forsa Defesa.”

Manúal ba  fórmasaun  ne’e,   PDHJ  ho ninia parseiru sira hanesan Asesoria Diretu Umanus Nasaun unidus, Ministeriu Defesa, Sosiadade Sivíl no F-FDTL rasik maka prodúz no lansa ona iha fulan Agostu liuba, iha selebrasaun Loron Falíntil tinan ida ne’e.

ʺOhin enkontru ne’e  hodi husu dispónivel Prezidente Repúblika atu halo abertura ba seminariu nasionál ne’e no prezidente dispónivel,” Prevedór Silveiro Pinto informa ba Jornalista sira iha Palasiu Presidente Bairru-Pite Dili, Sesta, Ohin.

Entertantu seminariu loron ida iha Dili ne’e sei hetan partisipasaun hosi konvidadus sira hanesan Membru F-FDTL ho diviza Majór,Tanenti Koronel, Brigadeiru no Kapitaun.

(Jornalista:Agapito dos Santos).

(Editór : Manuel Pinto)

HUSIK IDA HATÁN