Papa Francisco Admira Rona Istória Timor-Leste

0
411
Embaixadór Timor Leste ba Vatikanu-Roma, Egas da Costa Freitas sorumutu ho Prezidente Repúblika, Francisco Guterres Lú Olo iha Palásiu Prezidente, ohin.

DILI, (TATOLI) – Embaixadór Timor Leste ba Vatikanu-Roma, Egas da Costa Freitas hateten, Amo Papa Francisco (Jorge Mario Bergoglio) admira ho istória Timor-Leste konaba prosesu luta to’o hetan ukun rasik-án inklui ezisténsia igreja Katólika.

Reprejentante Estadu ba Vatikanu hato’o asuntu ne’e hafoin informa ba Prezidente Repúblika, Francisco Guterres Lú Olo kona-ba misaun Nasaun nian.

“Ha’u hetan oportunidade ko’alia ho Papa durante minutu haat nulu resin, ha’u esplika situasaun Timor-Leste hahú tinan 1974 iha ai-laran no tempu Indonézia tama to’o ohin loron ita hetan indepéndensia, Papa gosta tebes hodi hateten, mai ha’u ida ne’e komunikasaun ida di’ak”, hatutan ba jornalista sira iha Palásiu Prezidente Nicolau Lobato, Bairo Pite, ohin hafoin hasoru malu ho Xefe Estadu.

Santa Se durante ne’e akompaña lalaok polítika no dezenvolvimentu ne’ebé akontese iha Nasaun. Tanba ne’e, Prezidente Repúblika husu atu hametin liutan koperasaun entre Santa Se no Timor ne’ebé maioria sarani Katólika iha futuru.

“Prezidente husu fila fali ba atu halo di’ak liutan”, dehan tan. Alende ne’e, husu atu implementa ona konkorda ne’ebé estabelese ona entre Estadu rua.

Jornalista: Agapito dos Santos

Editora: Rita Almeida

HUSIK IDA HATÁN